Իռլանդիայի Դրոեդ քաղաքի բնակչուհի Ամանդա Վորոբեյը իր «սիրելիի» հետ նշանադրվել է 2018 թ.-ի սկզբին: Հարսանեկան արարողությունը տեղի է ունեցել ջրային չեզոք գոտում՝ մեդիումի ներկայությամբ, որը հաստատել է XVIII դարում կախաղան հանված փեսացուի համաձայնությունը, հաղորդել է The Mirror պարբերականը: Հարսանիքից հետո հարսնացուն իր Տիգ ազգանունը փոխարինել է Վորոբեյով: Նա համոզված էր, որ իր փեսացուն «Կարիբյան ծովի ծովահենները» ասքի գլխավոր հերոս Ջեք Վորոբեյի պատմական նախատիպն էր:
Դեկտեմբերի սկզբին 46-ամյա Ամանդան հայտարարել է իրենց հարաբերությունների ավարտի մասին և մարդկանց զգուշացրել այդպիսի կապերի վտանգավորության մասին: «Ես կբացատրեմ ամեն ինչ, երբ ժամանակը գա, իսկ այժմ ուզում եմ խնդրել շատ զգույշ լինել հոգիների հետ շփվելիս և չկատակել նրանց հետ …», – գրել է կինը սոցիալական ցանցերում:
