«Հիմնական ահազանգերը կապված են մեծ քաղաքական ուժերի հետ: Երևանում ամենախնդրահարույցը Շենգավիթ վարչական շրջանն է, իսկ հանրապետությունում Սյունիքի մարզի Գորիսի տարածաշրջանի գյուղերը»,- լրագրողների հետ զրույցում, անդրադառնալով ընտրությունների դիտարկման ընթացքին և այսօր արձանագրված ընտրախախտումներին, այս մասին ասաց «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը:
«Մեր դիտորդների շրջիկ խումբը հետևում է մի մեքենայի, որը տեղամասից տեղամաս է պտտվում, մարդիկ են մոտենում նրան և ինչ-որ քվեաթերթիկներ են ցույց տալիս:
Շենգավիթում դեպքեր են արձանագրվել՝ կապված քվեարկության գաղտնիության ապահովումը խախտելու հետ, արձանագրվել են դեպքեր երբ 2-3 հոգով են քվեախցիկում հայտնվել, օրինակ 8/19 տեղամասում: Երևանում ընտրատարածքների մոտ կուտակումների դեպքեր են արձանագրվել:
Ավան վարչական շրջանում «Միլենա» տաքսի ծառայության միջոցով ընտրակաշառք բաժանելու մասին է տեղեկություն ստացվել»,- նշեց Իոաննիսյանը՝ հավելելով, որ ժամեր առաջ ամենաթեժ իրավիճակը Արտաշատում էր և Արարատի մարզում, այժմ այնտեղ խնդիրները լուծված են:
Մանրամասն՝ տեսանյութում: