Ուկրաինայի երեք նախկին նախագահներ Լեոնիդ Կրավչուկը, Լեոնիդ Կուչման և Վիկտոր Յուշչենկոն երեքշաբթի կմասնակցեն Ուկրաինայի խորհրդարանի արտահերթ նիստին՝ հաղորդում է RIA Novosti-ն:
Երեք նախկին նախագահները Ուկրաինայում ճգնաժամի հենց սկզբից հանդես են եկել իրավիճակը երկխոսության միջոցով կարգավորելու նախաձեռնությամբ: Նախօրեին նրանք մասնակցել են կլոր սեղանի աշխատանքին՝ Ուկրաինայում քաղաքական ճգնաժամից դուրս գալու ուղիների որոնման խնդրով: Կլոր սեղանի նախաձեռնողը պետության առաջին ղեկավար Լեոնիդ Կրավչուկն է (1991-1994թթ.):
Բոլոր նախկին նախագահները հաստատել են իրենց մասնակցությունը Ռադայի նիստին: Նախատեսվում է որ հենց Կրավչուկը ելույթ կունենա պատգամավորների առաջ:
Հիշեցնենք, որ այսօր Ուկրաինայի խորհրդարանը կանցկացնի արտահերթ նիստ՝ քաղաքական ճգնաժամից դուրս գալու ուղիներ որոնելու նպատակով:
