Բրիտանացիների 40%-ը համարում է, որ երիտասարդության համար հիմա ամենահաջող ժամանակները չեն, նրանք ավելի լավ կյանք կունենային 1960-70-ական թթ.: Նրանց հետ համաձայն չեն հարցվածների 20%-ը, ովքեր համարում են, որ երիտասարդների համար լավագույն ժամանակը ներկա ժամանակներն են: Արդյունքները նշված են YouGov ընկերության հետազոտության մեջ:
Հարցվածների մեծամասնությունը խոստովանում է, որ ի համեմատ 1960-ականների այժմ ավելի լավ են ապրում կանայք, հաշմանդամները, էթնիկ և սեռական փոքրամասնությունների ներկայացուցիչները:
Որքան տարեց են հարցվածները, այնքան շատ են նրանց մեջ մարդիկ, որոնք համարում են, որ 60-70-ական թթ. լավագույնն էին երիտասարդների և ակտիվ կյանէ վարողների համար: Հարցման մասնակիցների կարծիքները համընկել են այն բանի շուրջ, որ տարեց մարդկանց կյանքն այժմ ավելի հարմարավետ է, քան նախկինում:
