Realbotix ընկերությունը ստեղծել է առաջին տղամարդու տեսքով սեքս-ռոբոտը, հաղորդում է Metro պարբերականը:
Առաջնային մոդելը կոչվում է Հենրի: Նախագծողները պնդում են, որ ռոբոտը կարող է զրուցել և կատակել: Գնորդները կկարողանան ըստ նախասիրության ընտրել ռոբոտի արտաքին տվյալները: Բացի Հենրիից, կա ևս երեք մոդել՝ Մայքլ, Միք և Նեյթ:
«Մենք բազմաթիվ առաջարկներ ենք ստացել կանանցից, որոնք ուղղակի զուգընկեր չեն ուզում, այլ մեկին, ում հետ հնարավոր կլինի խոսել»,- ասում է Realbotix-ի հիմնադիր Մեթ Մաքմելենը, որն առավել հայտնի է որպես սեքս տիկնիկների՝ RealDoll-ի ստեղծող:
Նրա խոսքերով, Հենրին կարող է լսել և հիշել այն ամենը, ինչ նրան ասում են, բայց չպետք է ակնկալել, որ նա կթափի աղբն ու կվերանորոգի լվացարանը: Սեքս ռոբոտի արժեքը, The Sun-ի տվյալներով, կկազմի 10 հազար դոլար:
