Տեխասի համալսարանի հետազոտողները նշել են, թե ինչպես կարելի է նիհարել հանգստյան օրերին առանց մարզումների: Հաղորդում է Daily Mail-ը:
Փորձագետները վերլուծել են վարժությունների ազդեցությունը մարդկանց և մկների ուղեղի որոշակի նեյրոնային հանգույցների վրա, և պարզել են, որ միջին ինտենսիվության մարզումների ազդեցությունը կարող է պահպանվել մի քանի օր:
Հետազոտության արդյունքները, որոնք հրապարակվել են Molecular Metabolism ամսագրում, ցույց են տվել, որ վազքուղում 1 ժամ տևողությամբ մարզումները մկների ախորժակը նվազեցրել են 6 ժամով, ինչպես նաև նպաստել են քաշի ավելի արագ իջեցմանը: Մարզումներից հետո դրանց նյութափոխանակությունն առաջիկա 48 ժամում ավելի արագ է եղել և օրգանիզմն ավելի շատ կալորիա է այրլ:
«Այս արդյունքը կարող է բացատրվել նեյրոնային հագույցների մակարդակով, թե ինչու շատերը քաղց չեն զգում մարզումներից անմիջապես հետո»,- ասել է հետազոտողներից դոկտոր Քեվին Ուիլյամսը:
Փորձի արդյունքում գիտնականները պարզել են, որ հանգստյան օրերին մարզումների դադարը չի ազդի մարդու նյութափոխանակության, արյան մեջ շաքարի մակարդակի կամ ախորժակի վրա, եթե նա սպորտով զբաղվել է ուրբաթ օրը: Նրանք նաև ենթադրել են, որ մարդ ինչքան շատ է մարզվում, այնքան դրա ազդեցությունը երկարաժամկետ է լինում:
