Թուրքական Haber Türk թերթը, վկայակոչելով BBC-ին, գրում է, որ աշխարհի ամենադիմացկուն ավտոմեքենան փորձարկվել է նաև Հարավային Աֆրիկայում։
Խոսքը Marauder անվանմամբ զրահամեքենայի մասին է, որը կշռում է 10 տոննա, իսկ արժեքը 480 հազար ամերիկյան դոլար է: Ավտոմեքենայի շարժչի հզորությունը կազմում է 290 ձիաուժ, երկարությունը 6.4 մետր է, իսկ բարձրությունը՝ 2.7։
Ավտոմեքենաների մասին Top Gear հաղորդման վարողները որոշել են ստուգել մեքենայի հուսալիությունը: Այդ նպատակով նրանք մեքենայի տակ 3 կիլոգրամանոց պլաստիկ պայթուցիկ են տեղադրել, որը, սակայն, անզոր է եղել շարքից հանել ավտոմեքենան: Անգամ ավտոմեքենայի ապակիները չեն տուժել։
Ապա ավտոմեքենան փորձարկվել է առյուծներով բնակեցված արգելանոցոմ: Սակայն առյուծների հարձակումը նույնպես որևէ արդյունք չի տվել:
