Փորձագետները Կանադայում հսկայական քարանձավ են հայտնաբերել։ Նրանց խոսքով՝ հավանաբար ոչ ոք չգիտի դրա գոյության մասին։
«Այն հսկայական է։ Առաջին անգամ տեսնելիս շունչդ կտրվում է հիացմունքից․ դա մի մեծ փոս է։ Առաջին միտքը, որ ծագում է այն տեսնելիս, անհնարինի մասին է։ Ես եղել եմ աշխարհի ամենամեծ քարանձավներում, այս մեկը հսկայական մուտք ունի։ Երբ դուք կանգնում եք նրա եզրին և նայում եք ցած ձեր տեսողության հեռավորությունը կազմում է գրեթե 183 մ»,- գրում է հետազոտող Ջոն Փոլակը։
Գիտնականները չեն կարողանում բացատրել, թե ինչու ավելի վաղ չի հայտնաբերվել այս քարանձավը։ Շատերի կարծիքով՝ ավելի վաղ այն ծածկված է եղել ձյան շերտով։