Հունվարի 24-ին, ժամը 20.45-ին ահազանգ է ստացվել, որ Երևանի Հաղթանակ թաղամասում տեղի է ունեցել ՃՏՊ՝ հրդեհի բռնկումով:
ԱԻՆ լրատվական ծառայությունից «Առաջին լրատվական»-ին հայտնում են, որ դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 21.05-ին, մարվել՝ 21.10-ին:
Դեռևս չբացահայտված հանգամանքներում Հաղթանակ թաղամասի 1-ին փողոցում բախվել են «Տավրիա» մակնիշի 35 VO 767 և «Մերսեդես» մակնիշի 78 UU 078 ավտոմեքենաները, ինչի հետևանքով «Տավրիա» մակնիշի ավտոմեքենան այրվել է ամբողջությամբ: Հրդեհը մեկուսացվել է ժամը 21.05-ին, մարվել՝ 21.10-ին:
Մինչ հրշեջ-փրկակարների կանչի վայր հասնելը՝ «Տավրիա» մակնիշի ավտոմեքենայից տեղի ուժերով դուրս են բերվել 1990 թ. ծնված Գ. Ք., 1990 թ. ծնված Ն. Ա., 1990 թ. ծնված Ռ. Ս. և տարբեր աստիճանի այրվածքներով հոսպիատալվել Ճառագայթային բժշկության և այրվածքների գիտական կենտրոն:
Բժիշկները Ն. Ա.-ի վիճակը գնահատել են բավարար, իսկ Գ. Ք.-ի և Ռ. Ս.-ի վիճակը՝ ծանր:
