Ի՞նչ ուղերձներ էր պարունակում Նիկոլ Փաշինյանի կազմակերպած համաերևանյան երթը՝ հաշվի առնելով այն, որ հակադիր կարծիքներ հնչեցին, «Առաջին լրատվական»- ի հետ զրույցում անդրադառնալով այս հարցին՝ ՄԱՀՀԻ-ի ղեկավար, քաղաքագետ Ստեփան Սաֆարյանը նշեց. «Հակառակորդներն ուզում էին տեսնել երթի տապալում, կողմանկիցներն էլ միգուցե ուզում էին երթում տեսնել 100 տոկոսանոց աջակցություն: Հասարակությունը փորձում է հասկանալ իրեն ուղղված ուղերձները: Կարծում եմ՝ քայլերթի հետ մեծ հույսեր կապել պետք չէր, և առավել ևս քայլերթի սակավամարդությունից շատ տխրել պետք չէ, որովհետև ժողովուրդը փողոց է դուրս գալիս միայն կրիտիկական պահերին, երբ որ վտանգ է զգում… Շատ իմաստավորված չէր երթը, քաղաքական իմաստ չկար, այն առումով, որ դրանից ինչ-որ բան չպետք է փոխվեր: Փաշինյանին կամ հեղափոխությանն աջակցելու մեսիջ չկար, և միանգամայն սպասելի էր, որ ժողովուրդը, նաև հաշվի առնելով եղանակային վատ պայմանները, երթին ակտիվորեն չմասնակցեց»:
Քաղաքագետի դիտարկմամբ՝ անշուշտ, ոգևորություններն աստիճանաբար անկում են ապրելու և գալու է արդյունքներ պահանջելու շրջան. «Անհրաժեշտ էր կարճաժամկետ արդյունքների մասին մտածել, կառավարության համար 6-7 ամիսը փորձաշրջան էր, բայց այդպես չպետք է լիներ: «Իմ քայլը» դաշինքի վարկանիշն ամենաբարձրն է՝ իր մրցակիցների համեմատությամբ, բայց միտումներ կան վերադառնալու ստանդարտ կյանքի վիճակին՝ մարդիկ պահանջելու են արդյուքներ»:
«Անհրաժեշտ է կառավարել նաև ակնկալիքները, դա ոչ պակաս կարևոր է, քան արդյունքեր տալը»,- ընդգծեց քաղաքագետը:
Մանրամասն՝ տեսանյութում: