«Առաջին լրատվական»-ի տաղավարում հյուրընկալվել են «Տնտեսական իրավունքի» կենտրոնի նախագահ Մովսես Արիստակեսյանը, իրավապաշտպան Քրիստ Հովսեփյանը և «Վարորդի ընկեր» ՀԿ նախագահ Տիգրան Քեյանը: Քննարկման թեման «կարմիր գծերն են»:
Տիգրան Քեյանը կարծում է, որ «կարմիր գծերը» ոչ մի խնդիր չեն լուծել սխալ ներդրման հետևանքով: «Ներդրվեց ոչ թե փողոցները բեռնաթափելու նպատակով, այլ բիզնես ծրագրի միջոցով քաղաքացիներից որոշակի գումարներ գանձելու: Վճարովի կայանատեղիները պետք է ծառայեն իրենց առաքելությանը»,- ասաց նա՝ հույս կապելով Երևան քաղաքի նոր իշխանությունների հետ:
Մովսես Արիստակեսը, սակայն, կարծում է, որ այդ կարմիր գծերը պետք է ընդհանրապես վերանան, որովհետև դրանք խախտում են քաղաքացիների ազատ տեղաշարժի իրավունքը. «Այդ փողը տարիներ շարունակ գնացել է մասնավոր անձի գրպանը, որն իր 70 տոկոս մասնաբաժնով ոչ մի ներդրում չի կատարել քաղաքաշինական խնդիրները լուծելու համար, ավելին՝ այժմ քաղաքապետարանը պետք է մարի այդ մասնավորի վարկերը»:
Իրավապաշտպան Քրիստ Հովսեփյանի կարծիքով էլ՝ «Կարմիր գծերի մասին» օրենքում կան մի շարք հակասող դրույթներ:
Մանրամասները՝ տեսանյութում:
