Միլիարդատեր Ջորջ Սորոսը կարծում է, որ «գրեթե անխուսափելի է», որ եվրագոտու որևէ երկիր դուրս կգա այդտեղից, և կոչ է արել, որպեսզի այդ երկրները եվրագոտին փրկելու համար անցնեն «պլան Բ»-ին, որը թույլ կտա խուսափել առաջիկա տնտեսական կրախից: Այս մասին հաղորդում է Bloomberg գործակալությունը: «Գրեթե անխուսափելի է, որ եվրագոտին ստիպված կլինի մշակել մի մեխանիզմ, որը թույլ կտա թույլ երկրներին դուրս գալ բլոկից»,- ասել է Սորոսը:
Նա ասել է, որ ֆինանսական համակարգը շատ խոցելի է, և այդ մեխանիզմների անհրաժեշտությունն օրակարգային է.
«Ես կարծում եմ, որ մեզանից մեծամասնությունը կհամաձայնի, որ եվրոպական ճգնաժամը կենտրոնացած է եվրոյի շուրջ, և այն կշարունակի զարգանալ: Իշխանությունները, փաստորեն, զբաղված են նրանով, որ փորձում են լրացուցիչ ժամանակ խլել, սակայն ժամանակը նրանց դեմ է աշխատում»,- նշել է միլիարդատերը:
Նա հավելել է, որ ԵՄ գոյատևումը սկզբունքային է բոլորի համար, այդ իսկ պատճառով անհրաժեշտ է անցնել «պլան Բ»-ին, որն այս պահին չկա, իսկ դրա փոխարեն, «իշխանությունները կախվում են գոյություն ունեցող status quo-ից և չեն ընդունում, որ կան հիմնարար բացեր, որոնք պետք է ուղղել»: Նա վերահաստատել է նախկինում իր հայտնած այն միտքը, որ եվրոն ի սկզբանե կառուցված էր թույլ հենքի վրա՝ չկա քաղաքական հիմք և ընդհանուր գանձարան:
