«Առաջին լրատվական»-ի տեղեկություներով Կենտրոնի նախկին ոստիկանապետ, Ոստիկանության Աբովյանի բաժնի պետ, ոստիկանության գնդապետ Սերոբ Հարությունյանը նշանակվելու է Ոստիկանության Կոտայքի բաժնի պետ:
Նշենք, որ Կոտայքի ոստիկանապետ Վարդան Նադարյանը նշանակվել ընդհամենը մի քանի ամիս առաջ՝ ազատվելով Գեղարքունիքի մարզային վարչության պետի պաշտոնից:
«Առաջին լրատվական»-ի տեղեկություններով Սերոբ Հարությունյանին Աբովյանի բաժնում կփոխարինի ոստիկանության Մարաշի բաժնի պետ Արթուր Մկրտչյան, իսկ Կոտայքի արդեն նախկին ոստիկանապետ Վարդան Նադարյանը նշանակվելու է Շիրակի ոստիկանապետ՝ Կարեն Բաբակեխյանի փոխարեն:
Նշենք, որ բացի այս փոխատեղումները, Վլադիմիր Գասպարյանի հրամանով երեկ Արմեն Իսրայելյանը ազատվել է ոստիկանության Հրազդանի պետի պաշտոնից: Վ. Գասպարյանի մեկ այլ հրամանով Ա. Իսրայելյանը նշանակվել է ոստիկանության Մեծամորի բաժնի պետ:
ՀՀ ոստիկանապետի ևս մեկ հրամանով աշխատանքից ազատվել է ոստիկանության Հրազդանի բաժնի պետի օպերգծով տեղակալ Արամ Ավագյանը:
Վ. Գասպարյանի մեկ այլ հրամանով Արմեն Գասպարյանը ազատվել է ոստիկանության Մեծամորի բաժնի պետի պաշտոնից և նշանակվել ոստիկանության Հրազդանի բաժնի պետ:
Ոստիկանապետի մեկ այլ հրամանով աշխատանքից ազատվել են ոստիկանության Դիլիջանի բաժնի պետի օպերգծով տեղակալ Արսեն Ավետիսյանն ու նույն բաժնի քրեական հետախուզության բաժանմունքի պետ:
