Հարավային Կորեայի կառավարությունը 1.6 տրիլիոն վոն (1.5 մլրդ դոլար) է ներդնում մինչ 2020 թվականը երկրում 5-րդ սերնդի (5G) բջջային ցանցի ստեղծման համար: Այս մասին հայտնում է հանրապետության գիտական կանխատեսման նախարարությունը՝ փոխանցում է ITAR-TASS-ը:
Ինչպես սպասվում է, 5G ցանցը ներկայիս LTE (4-րդ սերնդի) ցանցերից 1000 անգամ արագ կաշխատի: Օրինակ՝ 800 մեգաբայթ ծավալով ֆիլմի ներբեռնման համար կպահանջվի ընդամենը 1 վայրկյան՝ ներկայիս 40 վայրկյանի փոխարեն:
Նախարարության հաղորդագրությունում նշվում է, որ նախագծի մշակմանը, որն իրականացվում է անցած տարվա մայիսից, ներգրավված են երկրում բջջային կապի երեք առաջատար փրովայդերները և մի շարք տեխնոլոգիական ընկերություններ, այդ թվում՝ Samsung Electronics-ն ու LG-ն:
5G ցանցի մշակմանը զուգահեռ Սեուլը մտադիր է ընդլայնել համագործակցությունը ԱՄՆ-ի, Չինաստանի, ԵՄ-ի և այլ երկրների իշխանությունների հետ՝ համաձայնեցնելու նոր ցանցի չափորոշիչներն ու խուսափելու արտոնագրային ավելորդ վեճերից:
