Մենք բոլոր քաղաքական գործընթացներին մեր մասնակցությունը ցուցաբերելու ենք, բայց թե ինչ ձևաչափով, այդ մասին կխոսենք օրեր անց, երբ արդեն պարզ կլինի, թե որ ձևաչափն է մեզ համար ամենաարդյունավետը: Այս մասին «Առաջին լրատվական»-ի հետ զրույցում նշեց «Երկիր Ծիրանի» կուսակցության ղեկավար Զարուհի Փոստանջյանը:
Նրա խոսքով, իրենք չեն գնում ընտրությունների. «Դրանք ընտրություններ չեն, որովհետև ընտրությունների համար պետք է լինեն արդար, հավասար, թափանցիկ պայմաններ բոլորի համար: Եթե մենք տեսնում ենք, որ մի մասը այս պայքարում արդեն իսկ ստացել են առավելություններ, արդեն իսկ ընդունել են դոպինգը, ապա այդ դեպքում ինչպես պետք է կարողանաս տանել պայքարը:Ես չեմ կարծում, որ որևէ մեկը այս պայմաններում կարող է գտնել բանաձևը: Բայց ամենակարևոր հարցն այն է, մենք պայքարը հանուն ինչի ենք տանում, որովհետև սա մեր երազանքի խորհրդարանը չի կարող լինել»,-ընդգծեց Փոստանջյանը:
Նա ընդգծեց, որ հեղափոխություն տեղի չի ունեցել, եղել է անվանափոխություն, տեղափոխություն և պահպանվել է նույն քաղաքական կառուցվածքը, որ վերջին տարիներին ցայտուն դարձավ Սերժ Սարգսյանի կողմից: