Հանրային հեռուստաընկերության գործադիր տնօրեն Մարգարիտա Գրիգորյանը խորհրդարանում լրագրողների հարցին ի պատասխան անդրադարձել է Հանրային հեռուստաընկերությունում չարաշահումների գործով հարուցված քրեական գործին:
«Եթե դուք բացեք Քրեական օրենսգիրքը և տեսնեք, որ կա քրեական գործ՝ հարուցված փաստի առիթով, դա չի նշանակում, որ քրեական գործ է հարուցվել Հանրային հեռուստաընկերության նկատմամբ: Հարուցվել է փաստի առիթով, որտեղ բերված է երեք կետ, և դա հիմա քննության ընթացքում է: Երբ որ քննությունը կավարտվի, ինչպես ես, այնպես էլ ես դուք դրա պատասխանները կիմանանք: Ես վստահ եմ, որ Հանրային հեռուստաընկերությունն իր գործառույթներում չի թերացել և կատարել է իր գործառույթն առանց անօրինականությունների»,- ասաց նա:
