Այս տարվա հունվար-մայիս ամիսներին, նախորդ տարվա նույն ժամանակահատվածի համեմատ, պետական բյուջեի եկամուտներն աճել են 8.9%-ով կամ 26.6 մլրդ դրամով, որն ապահովվել է հարկերի, պետական տուրքերի և պարտադիր սոցիալական ապահովության վճարների հաշվին, որոնք 10.5%-ով (29.3 մլրդ դրամով) գերազանցել են նախորդ տարվա նույն ցուցանիշը: Այս մասին ասվում է ՀՀ ֆինանսների նախարարության տարածած հաղորդագրությունում։
Հաշվետու ժամանակահատվածում այլ եկամուտները նվազել են 9% ով (1.6 մլրդ դրամով), իսկ արտաքին աղբյուրներից ստացվել են ընդամենը 227 մլն դրամ պաշտոնական դրամաշնորհներ՝ նախորդ տարվա 1.4 մլրդ դրամի դիմաց:
