Ռուս երգչուհի Ժաննա Ֆրիսկեն հիվանդ է քաղցկեղով: Այս մասին հայտարարությունը հրապարակվել է այսօր երգչուհու պաշտոնական կայքում, տեղեկացնում է RIA Novosti-Ն:
Անցած շաբաթ որոշ ԶԼՄ-ներ հրապարակեցին տեղեկություններ այն մասին, որ 39-ամյա երգչուհին ծանր հիվանդ է և շտապ մեկնել է Գերմանիա բուժման նպատակով:
Այն ժամանակ Ֆրիսկեի՝ հասարակայնության հետ կապերի տնօրեն Անիսա Աշիկը հերքել էր այդ տեղեկությունը՝ հայտարարելով, թե երգչուհին ողջ-առողջ է ու գտնվում է Մայամիում:
Այսօր, սակայն, նա արտիստի կայքում տեղադրել է Ֆրիսկեի քաղաքացիական ամուսնու՝ Դմիտրի Շեպելևի պաշտոնական հայտարարությունը, որը գտնվում է Ժաննայի մոտ և խնդրում է ներողամտորեն վերաբերվել ստեղծված իրավիճակին:
«Այն, ինչ երկար ժամանակ մնում էր բացառապես մեր ընտանիքի գործը, ցավոք, մի քանի օր առաջ հայտնի դարձավ հասարակությանը: Այդ պատճառով մենք ցանկանում ենք դադարեցնել ցանկացած սպեկուլյացիա և կարծում ենք, որ երկրպագուները անտարբեր չեն Ժաննայի հանդեպ, ու մարդիկ իրավունք ունեն իմանալ ճշմարտությունը: Մեր ընտանիքին դաժան փորձություն է բաժին ընկել. Ժաննան քաղցկեղով հիվանդ է: Մենք պայքարում ենք նրա համար ու ոչ մի րոպե չենք դադարում հավատալ:
Մենք դիմում ենք բոլորին միակ խնդրանքով՝ աջակցել մեզ բարի խոսքով ու աղոթքով….»,- գրել է Ժաննայի ամուսինը:
