Մեծ Բրիտանիայի նախկին վարչապետ (2010 – 2016) Դևիդ Քեմերոնը հույս ունի վերադառնալ մեծ քաղաքականություն և գլխավորել երկրի արտաքին գործերի նախարարությունը: Նոյեմբերի 2-ին այս մասին հայտնել է The Sun թերթը՝ վկայակոչելով իրազեկ աղբյուրներ։
Թերթի տվյալներով՝ Քեմերոնն ընկերներին ասել է, որ «քննարկում է մեծ քաղաքականություն վերադառնալու հնարավորությունը և իրեն տեսնում է որպես արտաքին գործերի նախարար», եթե իրեն հրավիրի պահպանողականների ապագա առաջնորդը:
«Դևիդը նվիրված է պետական ծառայությանը և հաճախ է ասում, թե չի բացառում վերադարձը քաղաքականություն՝ ներքին կամ միջազգային: Նա ընդամենը 52 տարեկան է, նա երիտասարդ է»,- հայտարարել է նախկին վարչապետի ընկերներից մեկը:
Սակայն նման ցանկացած քայլ տեղի կունենա 2019թ․ գարնանը Քեմերոնի հուշագրությունների լույս տեսնելուց որոշ ժամանակ անց: Նախարարների կաբինետի նախկին ղեկավարն ինքը հասկանալ է տվել, որ այն կարող է հրապարակվել մարտի 29-ից՝ Եվրամիությունից Միացյալ Թագավորության դուրս գալու պաշտոնական օրվանից հետո: Հուշագրություններում հեղինակն, ինչպես սպասվում է, կփորձի վրեժխնդիր լինել ներկայիս նախարարներից ոմանցից, մասնավորապես, հանրակցությունից դուրս գալու արշավի առաջնորդներից մեկից՝ Մայքլ Գոուվից։