PeopleMaven-ի կողմից իրականացված հարցումների համաձայն՝ ԱՄՆ քաղաքացիները շոու բիզնեսի աստղերից որպես երկրի նախագահի թեկնածու ցանկանում են տեսնել հեռուստահաղորդավարուհի Օփրա Ուինֆրիին կամ հոլիվուդյան դերասան Թոմ Հենքսին:
Հասարակական կարծիքի հետազոտությունն անցկացվել է 18-ից մինչև 73 տարեկան 1082 ամերիկացիների շրջանում, որոնց առաջարկվել է ընտրել Սահմանադրությանը համապատասխանող, այն է՝ 35-ից բարձր տարիքի ամերիկացի, որը ծնվել է Միացյալ Նահանգների տարածքում և վերջին չորս տարիներին ապրել է երկրում:
20 «թեկնածուների» թվում են եղել նաև դերասաններ Դուեյն Ջոնսոնը, Ուիլ Սմիթը, Մորգան Ֆրիմանը և Լեոնարդո դի Կապրիոն, ռեփեր Քանյե Ուեսթը, նրա կինը՝ մոդել Քիմ Քարդաշյանը և երգչուհի Բեյոնսեն: Հարցման արդյունքներով Օփրա Ուինֆրիին նախապատվություն է տվել հարցվածներից 208-ը, Թոմ Հենքսին՝ 142-ը, իսկ դերասան Դուեյն Ջոնսոնը «կստանար» 114 մասնակցի աջակցությունը: