Այսօր հրավիրված մամուլի ասուլիսի ընթացքում ՀՀԿ մամուլի խոսնակ էդուարդ Շարմազանովը կազանյան հանդիպումը ձախողված չհամարեց, սակայն նշեց, որ համանախագահող երկրների նախագահների սպասելիքները չարդարացան` Ադրբեջանի ապակառուցողական ջանքերի շնորհիվ:
Նա նաև հիշեցրեց Կազանից առաջ Սերժ Սարգսյանի և Ալիևի հարցազրույցները, որտեղ Սերժ Սարգսյանը իր տված հարցազրույցում նշում էր, որ փոխզիջումները պետք է լինեն երկկողմանի, իսկ Ալիևը նշում էր, որ իրենք զիջելու ոչինչ չունեն: Շարմազանովը ավելացրեց, որ իրենք երբեք չեն գնա միակողմանի զիջումների, իսկ ղարաբաղյան խնդրի կարգավորման գործընթացում բեկումնային առաջընթաց կգրանցվի երկու դեպքում.
1. Երբ Ադրբեջանը վերջ տա ապակառուցողական քաղաքականությանը:
2. Երբ ԼՂՀ-ն, որպես լիիրավ կողմ, վերադառնա բանակցային սեղանին:
Իսկ եթե Ադրբեջանը ցանկանա իրագործել իր ռազմատենչ հայտարարությունները, ապա ԼՂ զորքերը պատրաստ են հակահարված տալու, ինչի ականատեսը եղել ենք: