Նյու Յորքում տարեկան մոտ 300 բնակիչ մահանում է ընկնելու հետևանքով: Նման տվյալներ է ներկայացրել քաղաքային ոստիկանությունը՝ գրում է russian.rt.com-ը:
Ամեն տարի մոտ 17 հազար նյույորքցի է հիվանդանոցներ ընկնում ընկնելու հետևանքով ստացած վնասվածքներից, նրանցից մոտ 300-ը մահանում է: Որպես կանոն, նրանք 65 տարեկանից բարձր տարեցներն են:
Նյու Յորքի քաղաքապետի տեղակալ Լիլիամ Բարիոս Պաոլին ընդունում է խնդրի կարևորությունը ու հայտարարում այն լուծելու անհրաժեշտության մասին:
Թեմայով հաշվետվությունը հիմնված է հիվանդանոցներից ու տարեց մարդկանց օգնության կենտրոններից վերցված տվյալների վրա:
Հաշվետվության համաձայն՝ տարեց մարդիկ ընկնում են հիմնականում տանը, իսկ հաճախ՝ ննջարանում:
