«Հայաստանի հրուշակեղեն արտադրող ընկերությունները բողոքում են, որ ռուսական խոշոր ընկերությունը Հայաստանում դեմպինգային քաղաքականություն է իրականացնում և այդպիսով փորձում է հրուշակեղենի ոլորտից դուրս մղել հայկական ընկերություններին»,-այսօր լրագրողների հետ զրույցում ասաց ՏՄՊՊՀ նախագահ Արտակ Շաբոյանը։
Նրա խոսքով բողոքների հիման վրա իրենց կատարած ուսումնասիրությունը ցույց է տվել, որ ռուսական «ԿԴՎ գրուպ»-ը բավականին ցածր գներով հրուշակեղեն է իրացնում Հայաստանում։ Շատ ավելի ցածր, քան այդ նույն հրուշակեղենը իրացնում է ՌԴ-ում։ Շաբոյանի խոսքով սա կարող է դիտվել գերիշխող դիրքի չարաշահման երևույթ, բայց քանի որ ընկերությունը ռուսական է, իրենք դիմել են ԵԱՏՄ իրենց գործընկերներին ընկերության մասին տեղեկատվություն ստանալու համար։
Ռուսական օդանավակայանների աշխատանքից էլ դժգոհ է նաև հայակական «ՏարոնԱվիա» ընկերությունը։ Ընկրությունը մասնավորապես բողոքել է, որ ռուսական օդանավակայանները տարբերակված գնային քաղաքականություն են իրականացնում։ ՌԴ օդանավակայանները ավելի բարձր սակագներ են առաջարկում այլ երկրների ավիաընկերությունների համար, քան ռուսականներին, որը լուրջ հակամրցակցային պայմաններ է ստեղծում, որը չի համապատասխանում ԵԱՏՄ ընդհանուր սկզբունքներին։
Առավել մանրամասն՝ տեսանյութում
