Չինական BGI ընկերությունը պնդում է, որ գնալով ավելի է մոտենում այն բանին, որպեսզի ծնողներին օգնի ընտրել էմբրիոն, որն, ամենայն հավանականությամբ, հաջողության կհասնի ապագա կյանքում` հաղորդում է The Mail Online-ը:
Հետազոտողները կարծում են, որ արդեն ի վիճակի են մինչև 50-80 % հստակությամբ որոշել երեխայի IQ-ն: Այժմ ընկերությունը զբաղվում է մարդկանց գեների քարտեզը կազմելով, որոնք ուժեղ են մաթեմատիկայից` մեկուսացնելու համար գեները, որոնք նրանց ավելի խելացի են դարձնում միջին վիճակագրական մարդուց:
BGI ընկերությունը, որը կոչվել է Գենոմիկայի Պեկինի ինստիտուտ, գեների ուսումնասիրության աշխարհում խոշորագույն կենտրոնն է և արդեն հավաքել է բարձր IQ ունեցող մարդկանց ԴՆԹ-ների ավելի քան 2000 նմուշ: Այնուհետև հետազոտողները նախատեսում են համեմատել դրանք մտավոր միջին կարողություններ ունեցող անձանց նմուշների հետ:
Ընկերությունում հույս ունեն, որ դա թույլ կտա գտնել այն գեները, որոնք պատասխանատու են մտավոր կարողության համար: Տեսականորեն այդ գիտելիքը հնարավոր կլիներ օգտագործել, որպեսզի ծնողները կարողանային ստանալ «խելացի էմբրիոն»:
