Ամերիկյան ֆոնդային ցուցիչները չորեքշաբթի աճել են՝ համաշխարհային տնտեսության վերաբերյալ Համաշխարհային բանկի կանխատեսումների բարելավման և Bank of America-ի ուժեղ ֆինանսական արդյունքների ֆոնին, S&P 500 ցուցիչը հասել է պատմական առավելագույնի՝ վկայում են բորսայի տվյալները:
Dow Jones արդյունաբերական ցուցիչը բարձրացել է 0.66 տոկոսով և կազմել 16481,94 կետ: Բարձր տեխնոլոգիական NASDAQ-ը աճել է 0.76 տոկոսով՝ կազմելով 4214,88 կետ: Լայն շուկայի S&P 500 ցուցիչը բարձրացել է 0.62 տոկոսով՝ հասնելով 1848,38 կետի: Այս մասին հայտնում է RIA Novosti-ն:
Համաշխարհային բանկի կանխատեսման համաձայն՝ համաշխարհային տնտեսության աճի տեմպերն այս տարի կհասնեն 3.2 տոկոսի, իսկ 2015-ին՝ 3.4 տոկոսի: 2013-ին այն կազմել է 2.4 տոկոս:
Շուկային ուրախացրել է նաև Bank of America-ի հաշվետվությունը, որի մաքուր շահույթը 4-րդ եռամսյակում կազմել է 3.18 միլիարդ դոլար, ինչը 8.6 անգամ գերազանցում է 2012-ի հոկտեմբեր-դեկտեմբեր ամիսների ցուցանիշը:
