Սիրիական ներքին հակամարտության ընթացքում Սիրիայում զոհվել է ՄԱԿ-ի 14 աշխատակից՝ հայտարարել է ՄԱԿ-ի գլխավոր քարտուղար Պան Գի Մունը Քուվեյթում բացված Սիրիայի դոնոր-երկրների համաժողովին: Այս մասին հայտնում է RIA Novosti-ն:
«Բռնության մեկնարկի պահից սպանվել են «Կարմիր մահիկի» արաբական կոմիտեի սիրիական բաժանմունքի 32 և ՄԱԿ-ի 14 աշխատակիցներ: Մենք սգում ենք նրանց կորուստը և խոստանում շարունակել Սիրիայում խաչաձև կրակի տակ գտնվող խաղաղ քաղաքացիներին օգնություն ցուցաբերելու նրանց առաքելությունը»,- հայտարարել է ՄԱԿ-ի գլխավոր քարտուղարը:
Պան Գի Մունը նաև նշել է բարդագույն և ծայրահեղ վտանգավոր պայմանները, որոնցում ստիպված են աշխատել ՄԱԿ-ի տարբեր կազմակերպությունների և միջազգային ոչ կառավարական կազմակերպությունների ավելի քան 5000 աշխատակիցները:
ՄԱԿ-ի գնահատականներով՝ 2011-ի մարտին Սիրիայում սկսված հակամարտության հետևանքով զոհվել է ավելի քան 115 հազար մարդ, ավելի քան 13 միլիոնը փախել է հարևան երկրներ կամ տեղափոխվել Սիրիայի այլ շրջաններ: Մարդասիրական օգնության կարիք ունեցողների թիվը Սիրիայում ներկայում գերազանցում է 8 միլիոնը:
ՄԱԿ-ը հայտարարում է, որ սիրիացի ժողովրդին 2014-ին արտակարգ օգնություն ցուցաբերելու համար կպահանջվի 6.5 մլրդ դոլար:
