ԱՄՆ Օհայո նահանգի կենդանաբանական այգում ռնգեղջյուրի ձագը կծել է զբոսաշրջիկի մատից։ Այս մասին հաղորդում է New York Post պարբերականը։
Միջադեպը տեղի է ունեցել Ցինցինատի արգելոցով շրջագայության ժամանակ։ Քենդի անունով մեկ տարեկան արևելյան սև ռնգեղջյուրը բռնել է զբոսաշրջիկներից մեկի աջ ձեռքի ցուցամատը։ Կենդանաբանական այգու ներկայացուցիչները հավաստում են, որ զբոսաշրջիկը թեթև վնասվածքներ է միայն ստացել։
Քենդին ծնվել է 2017 թվականի հուլիսին՝ կենդանաբանական այգում։ Նա պատկանում է ոչնչացման վտանգի տակ գտնվող տեսակին։ Վայրի բնության պահպանությամբ զբաղվող կազմակերպության տվյալներով՝ աշխարհում մոտ հինգ հազար սև ռնգեղջյուր է մնացել։
