ՌԴ նախագահի օգնական Յուրի Ուշակովը հայտարարել է, որ Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի նոր հադնիպումը հնարավոր է տեղի ունենա մինչև տարեվերջ։ Այդ մասին գրում է mk-turkey.ru-ն։
«Ինչ վերաբերում է երկկողմ կապերին՝ դրանք շատ ինտենսիվ բնույթ ունեն։ Կան ծրագրեր ապագայի վերաբերյալ»,- ասել է Ուշակովը և ավելացրել, որ առայժմ ակտիվ աշխատանքներ են տարվում Թուրքիայի, Գերմանիայի և Ֆրանսիայի մասնակցությամբ Սիրիայի հարցով քառակողմ գագաթնաժողովի անցկացման վերաբերյալ։
Պատասխանելով լրագրողի այն հարցին, թե արդյոք ապագայում նախատեսվող ծրագրերի վերաբերյալ խոսքերը նշանակում են, որ երկու երկրների ղեկավարները կարող են հանդիպել մինչև տարեվերջ, Ուշակովը ասել է «այո, մինչև տարեվերջ»։
