Բրիտանական հետախուզական ծառայության՝ Մի-6-ի նախկին ղեկավար Ռիչարդ Դիրլավն ասել է, որ գերատեսչությունում զղջում են, որ Ռուսաստանի նախագահ Վլադիմիր Պուտինին օգնել են իշխանության գալ: Այս մասին հաղորդում է The Times-ը:
Մասնավորապես՝ Դիրլավն ասել է, որ 2000-ին իրեն է դիմել Լոնդոնում գտնվող ռուսական հատւկ ծառայությունների սպան՝ խնդրելով կազմակերպել այն ժամանակ Մեծ Բրիտանիայի վարչապետ Թոնի Բլերը այցը Սանկտ Պետրբուրգ՝ Պուտինի հրավերով «Պատերազմ և խաղաղություն» օպերայի շնորհանդեսին ներկա գտնվելու համար:
«Լոնդոնում մենք քննարկեցինք՝ արդյոք Բլերը պետք է ընդունի՞ հրավերը, թե ոչ: Մենք դա յուրօրինակ և արտասովոր բացահայտում համարեցինք»,-հայտարարել է Մի-6-ի նախկին ղեկավարը:
Նա հավելել է, որ գերատեսչությունում այժմ զղջում են Պուտինի «հեղինակությունն ամրապնդելու» համար, սակայն այդ պահին Ռուսաստանի հետ հարաբերությունները բավականին լավ էին:
