Լաս Վեգասում CES ցուցահանդեսի ժամանակ ներկայացվել է iPhone-ն ինքնապաշտպանության համար արդյունավետ զենքի վերածվող սարքի նոր տարբերակը:
Yellow Jacket պատյանը կարող է հարձակվողին ցնցել հանկարծակի` 650 հազար վոլտ էլեկտրական հարվածով:
Այն հայտնագործել է Սեթ Ֆրումը` այն բանից հետ, երբ 2012-ին նրա տուն զինված գողեր են ներխուժել: Նախագծի համար նախնական կապիտալը Ֆրումը հավաքել է Indiegogo կայքում: 2013-ին նա թողարկել է iPhone 4/4S-ի պատյան-էլեկտրաշոկը: Իսկ նոր` 5/5S-ի համար նախատեսված տարբերակը շատ ավելի հզոր է:
Սեփականատիրոջը պատահաբար էլեկտրական հարված չհասցնելու համար պատյանն ունի մի քանի պաշտպանիչներ, իսկ էլեկտրոդները դուրս են գալիս պատյանից միայն անհրաժեշտության դեպքում:
