ԱՄՆ պետքարտուղար Հիլարի Քլինթոնի ավագ խորհրդական Ալեք Ռոսսը հայտարարել է, որ համացանցը դարձել է «21-րդ դարի Չե Գևարա» արաբական հեղափոխություններում: Այս մասին գրում է բրիտանական The Guardian թերթը:
«Բռնատիրությունները հիմա ավելի խոցելի են, քան երբևէ: Դա մասնակիորեն կապված է իշխանությունն ազգային պետությունից ժողովրդին փոխանցելու հետ»,- հայտարարել է Ռոսսը Լոնդոնում կայացած իր հանդիպումներից մեկի ժամանակ: Ռոսսը մանրամասնել է, որ սոցցանցերը օգնում են իշխանությունը պետությունից և խոշոր պետական համակարգերից փոխանցելու ավելի փոքր կազմակերպությունների և հենց քաղաքացիներին: Քանդվում է հիերարխիկ կառուցվածքը,- նշել է Ռոսսը:
Քլինթոնի խորհրդականն առանձնահատուկ շեշտել է Facebook և Twitter սոցցանցերի դերը Մերձավոր Արևելքում ծավալված շարժումներում, սակայն շեշտել է, որ ճիշտ չի լինի Եգիպտոսում տեղի ունեցածն անվանել «ֆեյսբուքյան հեղափոխություն»:
