Հունվարի 8-ին Լոռու մարզի Վանաձոր-Ստեփանավան ավտոճանապարհին՝ ՊՆ N զորամասի հարևանությամբ, Peugeot մակնիշի 73 MԼ 777 համարանիշով ավտոմեքենայի մեջ հայտնաբերվել է Վանաձոր քաղաքի Տարոն 2 թաղամասի 35 շենքի 4-րդ բնակարանի բնակիչ, 36-ամյա Մհեր Գրիգորյանի մարմինը՝ դանակի մի քանի հարվածներով: Մահացածը նախկին զինվորական էր, այժմ՝ գործարար. Վանաձորում ուներ հացի փուռ, խորտկարան և դեղատուն:
«Առաջին լրատվական»-ի հավաստի տեղեկություններով՝ սպանությունը, սակայն, կապված չէ նրա ոչ զինվորական, ոչ բիզնես-գործունեության հետ: Պատճառն անձնական-կենցաղային է: Սպանություն կատարողը Մհեր Գրիգորյանի ընկերն է՝ ոմն Արամ Սարգսյան, ում հայտնի է դարձել, որ Մհերը տարիներ առաջ սիրահետել է իր կնոջը և առաջարկություն արել նրան: Խանդի հողի վրա տղամարդը դիմել է այդ արարքին:
Ոստիկանությունից հայտնում են, որ դեպքի առթիվ հարուցված է քրեական գործ՝ Քր. օր.-ի 104 հոդվածի 1-ին մասով, կատարվում է նախաքննություն:
Լուսանկարը՝ Էդվարդ Արզումանյանի
