«Նախագահների բոլոր հանդիպումներից առաջ, Կազանից առաջ ևս, սկսվում է տենդը։ Այս անգամ ուղղակի դա հիմանվորված է աշխարհաքաղաքական գործոններով»,-այսօր լրագրողների հետ հանդիպման ժամանակ ասաց «Նորավանք» հիմնադրամի տնօրեն Գագիկ Հարությունյանը։ Ըստ բանախոսի՝ այդ աշխարհաքաղաքական գործոններն են Դովիլյան հայտարարությունը, իսկ նման հայտարարությունը Գագիկ Հարությունյանը պայմանավորում է արաբական հեղափոխություններից հետո աշխարհում անվտանգության ապահովման հանդեպ ավելի զգոնությամբ, ինչպես նաև համանախագահող երկրներում նախագահական ընտրությունների մոտենալով։
Գագիկ Հարությունյանը ուշադրություն է հրավիրում այն փաստի վրա, որ Լեռնային Ղարաբաղի համակարտության գործընթացի հանդեպ ուշադրության ավելացման հետ կապված զգալի նվազել է դիպուկահարների ակտիվությունը։ «Նորավանքի» տնօրենը նաև դրական է համարում ադրբեջանահայերի իրավունքներով զբաղվողների ՀԿ-ների վերջերս ծավալած գործողությունները, թեև այդ ակտիվությունը ուշացած է համարում։