Վրաստանում ակտիվիստ քաղաքացիները նոր ակցիա են նախաձեռնել նախագահի թեկնածու Սալոմե Զուրաբիշվիլիի դեմ, ում աջակցում է «Վրացական երազանք» կուսակցությունը: Քաղաքացիները նրան խորհրդանշական 30 տետրի են նվիրաբերում (0,3 լարի):
Այս ժեստով քաղաքացիները հիշեցնում են Սալոմե Զուրաբիշվիլիին, որ ինքը վաճառում է Հայրենիքը 30 արծաթի դիմաց և հիշեցնում են 2008 թվականի ռուս-վրացական պատերազմի հետ կապված վերջինիս արած հայտարարության մասին:
2008 թվականին Վրաստանում կատարված ռազմական իրադարձությունների մեջ Զուրաբիշվիլին ամբողջովին մեղադրում է Վրաստանին: Երկրի քաղաքացիները նշում են, որ նրա տեսակետը այդ հարցի առնչությամբ հակասում է ինչպես իրականությանը, այնպես էլ միջազգային եզրակացություններին և հանդիսանում է դավաճանություն Վրաստանի նկատմամբ:
