JP Morgan Chase բանկն ԱՄՆ կառավարությանը 1.7 մլրդ դոլարի չափով տուգանք կվճարի` Madoff Secruties ֆինանսական բուրգի ստեղծող Բերնարդ Մեդոֆի գործունեության մասին ոչ բավարար տեղեկություն տրամադրելու դիմաց: Միջոցները հետագայում կտրամադրվեն ավազակությունից տուժածներին փոխհատուցում վճարելու համար: Այս մասին հաղորդում է Bloomberg-ը:
Բանկը խոստովանել է իր պատասխանատվությունը՝ Մեդոֆի հաշվեհամարները ոչ այնքան լավ վերահսկելու և նրա կասկածելի գործունեության մասին լռելու առումով: Վերջինս հաշիվներն օգտագործել է իր ավազակային գործունեության համար:
Խոստովանության դիմաց JP Morgan-ից հանվել են բոլոր մեղադրանքները: Բացի այդ, վարկային բաժնին պարտավորեցրել են համաձայնագիրը կնքելուց հետո երկու տարվա ընթացքում օգնել Մեդոֆի գործի հետաքննությանը:
Հիշեցնենք, որ Մեդոֆի խարդախությունները բացահայտվել են 2008-ին:
