Երեկ պաշտոնական այցով Երևան էր ժամանել Վրաստանի նորանշանակ վարչապետ Մամուկա Բախտաձեն, որի հետ հանդիպելուց հետո ՀՀ վարչապետ Նիկոլ Փաշինյանը հայտարարեց, որ բավականին հավակնոտ ծրագրեր են մշակվել, որքանո՞վ են այդ ծրագրերն իրատեսական «Առաջին լրատվական»-ի հարցին վրացագետ Ջոնի Մելիքյանը պատասխանեց․ «Շատ ամբիցիոզ հայտարարություն էր։ Ոնց հասկանում եմ՝ վրացական կողմն է առաջարկում, որ համատեղ ջանքերով հասնեն 1 մլրդ դոլարի ապրանքաշրջանառության՝ երկու երկրների միջև։ Բավականին դժվար գործ է, իմ կարծիքով, քանի որ միտված է միջնաժամկետ կամ նույնիսկ ավելի երկարաժամկետ ծրագրերի»։
Ըստ Ջոնի Մելիքյանի՝ եթե մշակվի երկարաժամկետ ծրագրեր, ապա հնարավոր է հասնել նման ապրանքաշրջանառության ծավալի։
«Լուծումներից մեկը կարող է լինել համատեղ ձեռնարկությունների հիմնումը՝ թե՛ Հայաստանում, թե՛ Վրաստանում»,- հավելեց վրացագետը։
Ամբողջությամբ՝ տեսանյութում։
