Այսօր՝ սեպտեմբերի 11-ին, ԱԺ հայտարարությունների ժամին ՀՀԿ խմբակցության պատգամավոր Արմեն Աշոտյանը նշեց, որ այսօրվա ձայնագրությունը փոխեց օրակարգը և ապացուցեց, որ Հայաստանում դատական համակարգը ամբողջությամբ քաղաքականացված է, որ կատարում է վարչապետի քաղաքական պատվերը:
«Մեր գործընկերների ջանքերը վկայում են հին, բարի ՀԱԿ-ի լևոնական բանաձևի մասին՝ «ռեժիմը խուճապի մեջ է»:
Նրա խոսքով՝ թեման շեղում են՝ կոռուպցիայի դրոշակը ծածանելով, որի քավորն էլ վարչապետն է. «Ինչ լինում է՝ պարոն վարչապետն ասում է՝ մենք կոռուպցիայի դեմ ենք պայքարում: Ի՞նչ կոռուպցիա, այդ ձայնագրության մեջ կոռուպցիա, թալան, մարդասպան բառեր չկան: Դուք ինչի՞ տեղ եք դրել էս ժողովրդին, որի մեծ մասը դեռ ձեզ հավատում էր: Վհուկների որսը վերածել եք կոռուպցիոն պայքարի»:
Նա առաջարկեց, որ ԱԺ բոլոր խմբակցությունները հրավիրեն այս թեմայով հրատապ քննարկում կամ ստեղծեն քննիչ հանձնաժողով և քննարկեն ամեն ինչ, «թե ինչու իմ երկրի ԱԱԾ ղեկավարը պաշտպանված չէ հարցից սկսած, վերջացրած նրանով, թե ինչպես է վարչապետը քաղաքական աստառով միջամտում իրավական գործընթացներին»:
Մանրամասները՝ տեսանյութում:
