ԱՄՆ նախագահ Դոնալդ Թրամփը Apple-ին խորհուրդ է տվել «արտադրել իր ապրանքը ԱՄՆ-ում, ոչ թե Չինաստանում»: Այսպես է պատասխանել Թրամփը Apple-ի նամակին՝ ուղղված ԱՄՆ կառավարությանը, որտեղ ընկերությունը մտահոգություն է հայտնել Չինաստանից ներկրվող ապրանքների վրա հարկերի բարձրացման պատճառով ամերիկացի գնորդների համար ընկերության արտադրանքի գների բարձրացման վերաբերյալ՝ գրում է kommersant.ru-ն:
«Կա պարզ լուծում, որի համաձայն՝ հարկերը զրոյական կլինեն, ավելին, կլինեն նաև հարկային արտոնություններ: Արտադրեք ձեր ապրանքները ԱՄՆ-ում, ոչ թե Չինաստանում: Սկսեք նոր գործարաններ կառուցել հենց հիմա»,- գրել է Թրամփը Twitter- ում:
Այժմ ԱՄՆ-ում Apple-ը արտադրում է միայն Mac Pro-ն, հիմնական արտադությունը գտնվում է երկրի սահմաններից դուրս, այդ թվում`Չինաստանում: