Կիրակի Շվեյցարիայի հարավարևմտյան Վալե կանտոնում, որտեղ տեղակայված են ամենահայտնի լեռնադահուկային հանգստավայրերը, ձնահոսքի հետևանքով զոհվել է 4 մարդ:
Ինչպես հաղորդում է ITAR-TASS-ը, օրվա կեսին ծովի մակերևույթից 2.4 հազար մետր բարձրության վրա ձնահոսքի տակ է մնացել մի խումբ, որը բարձրացել է Վալ դ’Էրան հովտի լեռան գագաթը: Ձյան հաստ շերտի տակ հայտնվել է 4 մարդ, որոնցից երեքը մահացել են, իսկ մեկը ծանր վիճակով տեղափոխվել է հիվանդանոց:
Եվս երեք ձնահոսք առաջացրել են դահուկորդները: Նենդա հանգստավայրում տեղի ունեցած ձնահոսքի հետևանքով զոհվել է 34-ամյա դահուկորդը, իսկ երկու մյուս դեպքերում էքստրեմալ զգացողությունների սիրահարները վնասվածքներ են ստացել:
Շվեյցարիայում լեռնադահուկային սեզոնի սկսվելուց ի վեր ձնահոսքի զոհ է դարձել 11 մարդ:
