Շենգենին վտանգ է սպառնում, եթե չստեղծվի արդյունավետ միգրացիոն ծրագիր: Այդ մասին Գերմանիայի կանցլեր Անգելա Մերկելի հետ հանդիպմանը հայտարարել է Չեխիայի վարչապետ Անդրեյ Բաբիշը՝ գրում է etcetera.media-ը:
Բաբիշի և Մերկելի քննարկման հիմնական թեման եղել է ԵՄ միգրացիոն քաղաքականությունը, որին Չեխիան համաձայն չէ: Պրահան չի աջակցում միգրանտներով բեռնավորված նավերի բաշխման համար քվոտաներին և համարում է, որ մաքսանենգները կարող են օգտվել դրանից: Բեռլինը, իր հերթին, կարևորագույն խնդիր է համարում է ԵՄ-ում փախստականների արդարացի բաշխումը:
Բաբիշի խոսքով՝ միգրացիոն ճգնաժամը սպառնում է Շենգենին. «Շենգենը, իհարկե, շատ լավ բան է, բայց եթե չկարողանանք ստեղծել միգրացիոն ծրագիր, ապա այն կվտանգվի»,- ասել է Բաբիշը:
