Բրիթնի Սփիրսի երկրպագուները, որոնցից յուրաքանչյուրը 2500 դոլար է վճարել երգչուհու հետ հանդիպելու հնարավորության համար, հիասթափվել են այդքան բաղձալի հանդիպումից: Երկրպագուների խոսքերով` աստղն իրենցից յուրաքանչյուրի հետ բառացիորեն «երեք վայրկյան» է անցկացրել, որից հետո շտապել է հրաժեշտ տալ:
Հանդիպումը տեղի է ունեցել Բրիթնիի` Լաս Վեգասում ելույթի շրջանակներում:
«Երկրպագուներին ասել են, որ նրանք չպետք է գրկեն Բրիթնիին կամ նրան հպվեն առանց վերջինիս թույլտվության, ինչպես նաև թույլ չեն տվել նվերներ հանձնել»,- գրում է RadarOnline կայքը:
«Երբ նրանք վերջապես հանդիպել են Բրիթնիին, նա ուղղակի ժպտացել է, լուսանկարվել և հրաժեշտ տվել: Յուրաքանչյուրը բառացիորեն երեք վայրկյան է ունեցել նրա հետ շփվելու համար»,- հավելել է միևնույն աղբյուրը:
Ուստի, երկրպագուները դժգոհ են մնացել:
