1in.am Sport-ի հետ զրույցում 2013 թվականն ամփոփեց հունահռոմեական ոճի Հայաստանի հավաքականի ներկայացուցիչ Ռոման Ամոյանը: Ռոմանը խոսեց նաև 2014-ից իր սպասելիքների, գլխավոր նպատակների մասին:
«Ինձ համար տարին նորմալ էր սպորտային առումով, պատրաստ էի ավելիին, բայց չստացվեց այն, ինչ ես էի ուզում: Ամեն դեպքում, դժգոհ չեմ:
Շատ լավ կանոնակարգ է մշակված, պրոֆեսիոնալ մարզիկի համար սա նպաստավոր կանոնակարգ է: Ուժեղ մարզիկը կարողանում է դրսևորել իրեն: Բայց մրցավարական կողմնակալություններ միշտ լինում են անկախ կանոնակարգից: Ամեն դեպքում, այս կանոնակարգով ավելի լավ է:
Նոր է սկսվում տարին, և մարզիչները կորոշեն՝ ինչ մրցաշարերի մասնակցեմ: Գլխավոր նպատակս Աշխարհի և Օլիմպիական խաղերի չեմպիոն դառնալն է: Ես գրեթե բոլոր մեդալներն ունեմ: Պակասում են այդ երկուսն իմ մեդալների շարքում: Թող Աստված առողջություն տա, վնասվածքներ չունենամ, ամեն ինչ կանեմ այդ արդյունքներին հասնելու համար:
Ամանորն իմ սիրած տոներից է: Այն նշելու եմ ընտանիքիս հետ: Ամանորն ընտանեկան տոն է: Հունվարի 7-ին մեկնելու եմ Գերմանիա՝ շարունալեու մրցումները:
Շնորհավորում եմ մեր հայրենակիցների Ամանորը, Սուրբ ծնունդը, մաղթում եմ առողջություն, երջանկություն, անսահման սեր ընտանիքներում, թող լինեն առողջ»:
