Շաբաթ օրը, օգոստոսի 18-ին, ՌԴ նախագահ Վլադիմիր Պուտինը կենաց է ասել Ավստրիայի արտգործնախարար Կարին Քնայսլի հարսանիքին։ Պուտինը, ով գտնվում էր այնտեղ հյուրի կարգավիճակով, նորապսակներին երջանիկ ընտանեկան կյանք է մաղթել։ Պուտինը կենացն ասել է գերմաներենով։ Նա նշել է, որ Քնայսլը իր առաջին ընկերն է դարձել Ավստրիայում, ում հետ նա լավ հարաբերություններ է պահպանում։
Նախագահը շնորհակալություն է հայտնել նորապսակներին հրավերի համար և հրավիրել է նրանց Ռուսաստան։
Որպես նվեր Պուտինը գյուղական մոտիվներով կտավ է նվիրել, հին խնոցի և Տուլայի ինքնաեռ։ Նա նաև պարել է հարսի հետ, իսկ Կուբանի կազակների երգչախումբը ազգային ավանդական երգեր է կատարել։
