Հնդկաստանի հարավ–արևմուտքում՝ Կերալա նահանգում, ուժգին ջրհեղեղի պատճառով առնվազն 97 մարդ է զոհվել։ Այս մասին գրում է Indian Express-ը։
Նշվում է, որ տարերային աղետի պատճառով խափանվել է տրանսպորտի աշխատանքը, ինչպես նաև փակ են ուսումնական հաստատությունները։ Պինարայա նահանգի նախարար Վիջայան կոչ է արել հնդկական կառավարությանը լրացուցիչ օգնություն ցուցաբերել ջրհեղեղի հետևանքները վերացնելու համար, ինչպես նաև ավելի շատ զինվորականներ և ուղղաթիռներ տրամադրել։
Ջրհեղեղները սկսվել են մուսոնային հեղեղների պատճառով, որոնք նահանգը ծածկել են օգոստոսի 8-ին։ Տեղի իշխանությունները հայտարարել են, որ տարածաշրջանը վերջին հարյուր տարվա մեջ ամենաավերիչ ջրհեղեղի հետ է բախվել։ Ներկա պահին ողջ նահանգում եղանակային վտանգավորության կարմիր մակարդակ է հայտարարված։
