Երդվյալ ատենակալների խորհուրդը կսկսի քննարկել Փոլ Մանաֆորթի գործով դատավճիռը օգոստոսի 16-ին։ Այս մասին գրում է Associated Press-ը։
«Թրամփի նախընտրական շտաբի նախկին ղեկավար Փոլ Մանաֆորթի գործն ուղարկել են ատենակալներին։ Քննարկումները կսկսվեն հինգշաբթի օրը»,– ասվում է գործակալության Twitter-ում։
Մանաֆորթը գլխավորում էր ԱՄՆ ներկայիս նախագահ Դոնալդ Թրամփի նախընտրական շտաբը։ 2017 թվականի աշնանը Մանաֆորթին 12 կետերով մեղադրանք է առաջադրվել։ Մասնավորապես, նրան կասկածում են այն բանում, որ նա 2010-2014 թվականներին չի վճարել մոտ 16 միլիոն դոլարի չափով հարկերը։ Ընդ որում, ենթադրվում է, որ նա փողերը պահել է արտասահմանյան բանկերում։
