Friday, 29 03 2024
17:10
Կիևը և Վարշավան մտադիր են անվտանգության երաշխիքների մասին համաձայնագիր կնքել
17:00
Live. «Առաջին լրատվական» տեղեկատվական-վերլուծական կենտրոն
16:50
Ֆրանսիան կարող է չեղարկել Փարիզում Օլիմպիադայի բացման արարողությունը
16:40
Բրիտանիան չեղարկել է 100-ամյա արգելքը և թույլ կտա զինվորականներին մորուք պահել
ՌԴ ԱԳ փոխնախարարը հանդիպել է Աբխազիայի և Հարավային Օսիայի ներկայացուցիչներին
16:20
«Արաբական երկրները պատրաստ են ճանաչել Իսրայելը». Բայդեն
16:10
Իսպանիայում տեղակայվել է ՆԱՏՕ-ի երրորդ ռազմածովային բազան
Ադրբեջանցիները մշտապես ատել են հայերին. մեր խնդիրն է ցույց տալ սա
Դեղձենու մասսայական ծաղկում Արարատյան դաշտում՝ ժամկետից շուտ
Ո՞նց են որոշել, որ դա Հայաստանի տարածքը չ,է, եթե սահմանը հստակեցված չէ ․ Արա Պապյան
Փորձ է արվում 3 անձերի կատարածը ԱԺԲ ամբողջ կառուլցի հետ կապել. Պապյան
15:45
«ԱՄՆ-ն ու ԵՄ-ը Հայաստանի հետ անվտանգային հարցեր չեն քննարկելու». Ստանո
ՊՆ կոլեգիայի նիստում քննարկվել են սպառազինության և ռազմական տեխնիկայի զարգացման հարցեր
«Ցուցադրությունն անպայման տեղի կունենա». Բաքվում պարզաբանում են տարածել Արայիկ Հարությունյանի հարցազրույցի վերաբերյալ
Եթե դելիմիտացիա, ապա հավասարության սկզբունքով, ոչ թե՝ «ատրճանակի սպառնալիքի տակ»
15:30
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Վարագույրից այն կողմ կան շահեր, որոնք թույլ չեն տալիս Մարտի 1-ի բացահայտումը
15:10
Ճապոնիայում կենսաբանական հավելումների օգտագործման հետևանքով զոհերի թիվը հասել է 5-ի
Այո՛, օրենք են խախտել, երկրով մեկ օրենքի խախտումներ են հենց վարչապետի մասնակցությամբ
Խորհրդարանական լսումներ կհրավիրվեն Եվրաինտեգրման նոր հեռանկարները և մարտահրավերները թեմայով
Թող դատարանը որոշի ահաբեկչությո՞ւն էր, թե ապստամբություն.Պապյան
15:01
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
Ինչի՞ է նախապատրաստվում Ալիեւը
«Կրոկուս սիթի հոլ»-ում ահաբեկչության վիրավորների թիվը հասել է 382-ի, ևս 1 մարդ զոհվել է
«Մանրամասներ»․ Դավիթ Ստեփանյանի հետ
Պաղեստինի նոր կառավարության ԱԳ նախարարը ծագումով հայ է և կին
Պապոյանը Կորեայի պաշտոնյային ներկայացրել է Հայաստանի ներդրումային հնարավորությունները
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն
Լուրերի օրվա թողարկում 14։00

Հերմինե Նաղդալյանն ու իր ամուսինը հարկային տեռորի միջոցով սնանկացրել են մրցակից ընկերությանը

Հայաստանում տեղի ունեցած հեղափոխությունից հետո շատերն արդարության սպասելիք ունեն և այդ սպասելիքով դիմում են իրավապահ մարմիններին՝ բողոք ներկայացնելով այս կամ այն նախկին իշխանավորի դեմ, որը խլել է իրենց բիզնեսը, միտումնավոր սնանկացրել, թալանել է իրենց ունեցածը։

Արդարության վերականգնման մեծ ցանկություն ունի նաև «Սիսիան ճանշին» ընկերությունը, որը ԱԺ նախկին փոխնախագահ Հերմինե Նաղդալյանին ու նրա ամուսնուն՝ Դավիթ Բեգլարյանին պատկանող ընկերության՝ «Սիսիան ԲՈԱՏ» ՍՊԸ-ի պատճառով հայտնվել է սնանկության եզրին։

«Սիսիան ճանշին» ընկերությունը հիմնադրվել և գործունեություն է ծավալել 1995 թվականից և սպասարկել ամբողջ մարզի ճանապարհները։ Սակայն 2007-ից մարզ է գնում «Սիսիան ԲՈԱՏ» ՍՊԸ-ն։ Սկզբում երկու ընկերությունները համատեղ, նորմալ համագործակցելով աշխատում էին, բայց դա միայն սկիզբն էր, քանի որ դիրքերն ամրապնդելուց հետո «Սիսիան ԲՈԱՏ» ՍՊԸ-ն սկսեց ստանալ բոլոր պատվերները, շահել բոլոր տենդերները, իսկ «Սիսիան ճանշին»-ի արած ցանկացած աշխատանք ներկայացվում է որպես վատ, անորակ գործ։ «Սիսիան ճանշին»-ի տնօրեն Հրաչիկ Գաբրիելյանի որդու՝ Հրայր Գաբրիելյանի խոսքերով՝ աստիճանաբար «Սիսիան ճանշին»-ը պետությունից պատվերների համար բացարձակ ֆինանսավորում չի ստանում, բոլոր գումարները փոխանցվում են «Սիսիան ԲՈԱՏ» ՍՊԸ-ի հաշվին՝ պատճառաբանությամբ, որ «Սիսիան ճանշին»-ը հարկային պարտավորություններ ունի։ «Իսկ հարկային պարտավորություններ հենց այնպես չէին առաջացել։ Հարկայինը տարին 2-3 անգամ պարտադիր ստուգումներ էր իրականացնում և մեծ տուգանքներ գրում՝ անկախ նրանից, որ հիմքեր չկային։ Տպավորություն էր, որ խնդիր էր դրված մեծ թվեր գրելու։ Օրինակ՝ մեր վրա մի ակտ էր գրված հաշիվ դուրս գրելու ամսաթվի պատճառով։ Մենք հաշիվը դուրս էինք գրել ամսի 1-ով, իրենք ասում էին, որ այդ հաշիվը պետք է դուրս գրվեր ամսվա վերջին օրով։ Եվ այն դեպքում, որ դրանից ոչինչ չէր փոխվում, մեկ է, հաշիվը դուրս էր գրվել, բայց հարկայինը մեզ 25 միլիոն դրամով տուգանեց։ Եվ այսպես պարբերաբար, ու սա չի կարող զուտ պատահականություն լինել, որ հարկայինը տարին 3 անգամ ստուգում անի մի ընկերությունում ու մեծ տուգանքներ գրի»,- ասաց Գաբրիելյանը։

«Սիսիան ճանշին»-ը սնանկության հասցվեց 2017-ին, սակայն մեր զրուցակցի խոսքերով՝ հարկայինը չբավարարվեց նաև այդքանով։ Կրկին ստուգումներ անցկացրեց շահութահարկի գծով՝ ընկերությանը տուգանելով ևս 60 միլիոն դրամով։ «Ամեն կերպ մեզ նեղություն են տվել։ Բոլոր հնարավոր ձևերով մեզ նեղել են, որի արդյունքում Հերմինե Նաղդալյանին պատկանող ընկերությունը կարճ ժամանակում դարձավ առաջատար ընկերություն»,- ասաց Գաբրիելյանը՝ հավելելով, որ ամեն ինչ այնքան ակնհայտ էր արվում, որ հնարավոր չէր գլխի չընկնել։ «Իրենք մի նոր տեխնիկա էին գնել, և դրանից հետո հայտարարված տենդերներում նշվում էր հենց այդ տեխնիկայի պարամետրերը։ Ու քանի որ միայն իրենք ունեին այդ տեխնիկան, բնականաբար, իրենք էլ վերցնում էին տենդերը։ Դրանից բացի՝ տենդերներում այնպիսի չափանիշներ էին նշում, այնքան կատարած աշխատանք, փորձ, որ միայն իրենք շահեն տենդերը։ Ու դա այնքան ակնհայտ է, որ բոլորին է հասկանալի»,- ասաց Գաբրիելյանը։

Մեր զրուցակցի խոսքերով՝ Հերմինե Նաղդալյանի ու նրա ամուսնուն պատկանող ընկերությունը գործունեություն է ծավալում խախտումներով։ Օրինակ՝ թղթերով ցույց է տալիս, որ իրենք աշխատում են իրենց բազալտի հանքի հանքանյութերով, բայց բազալտի հանքի քարի ջարդելիությունը չի համապատասխանում սահմանված նորմերին։ «Իրենք որտեղից, ոնց ուզում են՝ հանում բերում են, օգտագործում են քարերը։ Որտեղից ուզում են թող գնան նմուշ վերցնեն ու կտեսնեն, որ օգտագործված է Շամբի քար, Աղիտուի քար, Տոլորսի քար, որի թույլտվությունը իրենք չունեն։ Իրենք իրենց համար հանում և օգտագործում են, և ոչ ոք նրանց չի արգելում։ Նրանք բացարձակ ճանապարհ չեն սպասարկում, ճանապարհի կողքերը չեն մաքրվում, իսկ կատարած աշխատանքի որակը կարող է գնահատել ցանկացած մարդ։ Մեկ տարի առաջ արված ասֆալտը ճաքած է, ասֆալտապատելիս ջրահեռացումը նորմալ չի արվում, ինչի պատճառով էլ ջուրը դուրս է գալիս գետնից ու հոսում ասֆալտով»,-ասաց Հրայր Գաբրիելյանը։

Գաբրիելյանների հիմնական սպասելիքը արդարության վերականգնումն է։ «Դավիթ Բեգլարյանը մշտապես և տարբեր շրջանակներում հայտարարել է, որ Հրաչիկ Գաբրիելյանը իր անձնական թշնամին է, և ինքն ամեն ինչ պետք է անի, որ «Սիսիան ճանշին»-ը սնանկացնի։ Ու քանի որ հիմա հեղափոխություն է եղել մեր երկրում, իրավիճակ է փոփոխվել, պետք է որ նրանց ցանկությունները իրականություն չդառնան, և նրանց ձեռքը բռնող պետք է լինի։

Հրայր Գաբրիելյանն ասաց, որ «Սիսիան ԲՈԱՏ»-ը այսօր էլ մեծ թափով աշխատանքներ է կատարում, քանի որ տենդերները շահել էր մինչև հեղափոխությունը, բայց եթե կառավարության մոտ ցանկություն կա նպաստելու երկրում բիզնեսի զարգացմանը, տնտեսվարողների ազատ գործունեությանը, ապա պետք է նույն պետությունը, կառավարությունը նպաստի տնտեսվարողների համար հավասար պայմաններ ստեղծելուն։ «Հիմա «Սիսիան ճանշին»-ը ահավոր մեծ պարտքեր է կուտակել անհիմն, ապօրինի հարկային ստուգումների պատճառով։ Հիմա մենք ցանկանում ենք, որ մեզ չզրկեն պատվերներից, պատվերներ լինեն, որ կարողանանք աշխատենք ու ոտքի կանգնենք։ Այս երկրում բոլորն էլ ցանկանում են փող աշխատել, ընտանիք պահել։ Ու, վերջիվերջո, եթե այս տեռորը շարունակվի, պարզապես մի ընկերության գործունեություն կկասեցվի»,- եզրափակեց Հրայր Գաբրիելյանը։

Բաժիններ
Ուղիղ
Լրահոս
Որոնում