Երբ 10 ամսական Ալեքս Իդալգոյի մայրը տուն է վերադարձել, նա ոչ մի տեղ չի կարողացել գտնել որդուն, իսկ նրա հայրը բազկաթոռում նստած Աստվածաշունչ է կարդալիս եղել՝ հոգևոր երաժշտության ներքո։ Վախեցած կինը հարցրել է Ալեքսին, թե ուր է տղան, իսկ նա հանգիստ պատասխանել է. «Ես զոհարան եմ ստեղծել, որի մասին մենք խոսում էինք»։ Նա բացատրել է, որ տղան դիվահար է եղել, սակայն չի խոստովանել, թե ինչ է արել նրա մարմնի հետ, և մայրը, սարսափահար, սկսել է տան մեջ փնտրել երեխայի մարմինը։ Իր մահացող որդուն նա գտել է աղբարկղի մեջ և անմիջապես ոստիկանություն է զանգահարել։
Կտրված կոկորդով երեխան շտապ կերպով հիվանդանոց է տեղափոխվել, սակայն նա արդեն մահացած է եղել։ Ոստիկանները տանը գտել են արյունոտ սրբիչներ և դանակը, որով կատարվել էր հանցագործությունը։ Մարդասպանը փորձել էր թաքնվել, սակայն հաջորդ օրը նրան բռնել են ուրիշի տուն ներխուժելու փորձի ժամանակ։
Ներկայումս Ալեքս Իդալգոն գտնվում է կալանքի տակ։ Նրան մեղադրանք է առաջադրվել երեխային սպանելու և մարմինը պղծելու համար։ Թե ինչ պատիժ կորոշվի տղամարդու համար, դեռևս հայտնի չէ,– գրում է New York Post–ը։
