Ֆրանսիացի վիրաբույժները, որոնք դեկտեմբերի 18-ին անցկացրել են աշխարհում արհեստական սրտի տեղադրման առաջին վիրահատությունը, հայտարարել են, որ հիվանդն իրեն լավ է զգում: Բժիշկների ու մասնագետների թիմին արդեն շնորհավորել է Ֆրանսիայի նախագահը, հայտնում է Reuters-ը:
«Հիվանդն իրեն շատ լավ է զզում: Նրա վիճակն օրեցօր լավանում է: Ես նրան այցելել եմ մինչ ձեզ հետ հանդիպելը: Մենք խոսում ենք նրա հետ, ու նա լավանում է, տվյալ պահին մենք լավ կանխատեսում ունենք նրա առողջացման վերաբերյալ»,- ասել են բժիշկները:
Հիվանդը տառապել է սրտային անբավարարությունից: Նրա կենսաբանական սիրտը փոխարինվել է արհեստականով. այն աշխատում է գրեթե այնպես, ինչպես իսկականը:
Արհեստական սիրտը կշռում է 900 գրամ, այն մոտավորապես եռակի մեծ է սովորական սրտից:
Ներկայում բժիշկները հուսով են՝ հաջող տեխնոլոգիայի օգնությամբ կկարողանան օգնել հազարավոր մարդկանց: