Հորդանանի թագուհի Ռանիա Ալ-Աբդուլլահը ծնվել է Քուվեյթում՝ սովորական ընտանիքում:
Այդ ժամանակ նա նույնիսկ չէր էլ կարող ենթադրել, որ ապագայում կդառնա աշխարհի ամենաճանաչված մարդկանցից մեկը:
Ռանիան գերազանց ավարտել է դպրոցը և համալսարանը, այնուհետև կրթությունը շարունակել է արտասահմանյան ուսումնական հաստատություններում:
90-ականների սկզբին նա ստիպված է եղել հեռանալ Քուվեյթից և մեկ քայլով մոտենալ իր կյանքի ապագա կեսին, քանի որ աղջկա ընտանիքը տեղափոխվել է Հորդանան:
Դեռ մանուկ հասակից ապագա թագուհին շատ նպատակասլաց էր. 22 տարեկան հասակում նրա թեկնածությունն առաջադրված է եղել Հորդանանում Apple-ի ներկայացուցչության ղեկավարի պաշտոնում, սակայն, ցավոք ,այդ աշխատանքը նա չի ստացել:
Դրանից հետո նա աշխատանքի համար դիմել է Ամանի Citibank, որտեղ էլ հանդիպել է իր ապագա ամուսնու՝ Աբդուլլահ II-ի հետ:
Երիտասարդներին երկար ժամանակ չի պահանջվել հասկանալու համար, որ իրենք ստեղծված են միմյանց համար: Նրանք ծանոթացել են 1993 թ. գարնանը, իսկ մի քանի ամիս անց արդեն ամուսնացել են: Ներկա պահին թագավորական զույգը չորս երեխա ունի:
Հարկ է նշել, որ Հորդանանի բնակիչները թագուհուն շատ են սիրում: Նա ամեն օր պարտադիր որոշ ժամանակ է հատկացնում իր կայք այցելողների հետ շփմանը:
Դրանից բացի, թագուհին ակտիվ հասարակական կյանք է վարում սոցիալական ցանցերում, որտեղ հանգիստ տեղադրում է ընտանեկան արխիվից լուսանկարներ և հաղորդում է նորություններ իր կյանքից:
Հարկ է նշել, որ Ռանիան Հորդանանյան հիմնադրամի ղեկավարն է: Թագուհին օգնում է երկրի կանանց իրենց մասնակցությունն ունենալ Հորդանանի տնտեսական կյանքին և նոր ընկերություններ ստեղծել: Նա ամենուր պայքարում է իր գաղափարների և համոզմունքների համար:
Ռանիան ամենաիսկական արաբ կին է, սակայն դրա հետ մեկտեղ սուպերմոդելի արտաքին ունի:
Նրա սիրած դիզայներներն Էլլի Սաաբն ու Ջորջիո Արմանին են:
2003թ. Ռանիայի տիտղոսներին ավելացել է ևս մեկը՝ «Էլեգանտության՝ աշխարհի թագուհի»:
