Գերմանացիները ավելի շատ վստահում են Ֆրանսիայի նախագահ Էմանուել Մակրոնին, քան Գերմանիայի կանցլեր Անգելա Մերկելին,– գրում է Deutsche Welle-ն. այս մասին վկայում են Kantar Emnid ինստիտուտի սոցհարցման արդյունքները։
Մակրոնին վստահում է հարցված գերմանացիների 55%-ը, չի վստահում՝ 33%-ը։ Փոխարենը Մերկելին վստահում է հարցված գերմանացիների 51%-ը և չի վստահում՝ 45%-ը։
Մակրոնին և Մերկելին չվստահածների մեջ ամենից շատը «Այլընտրանք գերմանիայի համար» պոպուլիստական կուսակցության կողմնակիցներն են։ Ավստրիայի կանցլեր Սեբաստյան Քուրցի նկատմամբ վստահությունն ավելի ցածր է՝ ընդամենը 24%:
Ի դեպ, գերմանացիների 18%-ը հակված են վստահել ՌԴ նախագահ Վլադիմիր Պուտինին, սակայն գերմանացիների 75%-ը նրան անվստահություն են հայտնում։ Ավելի վատ են ԱՄՆ նախագահ Դոնալդ Թրամփի ցուցանիշները. նրան վստահում է 5%-ը և չի վստահում՝ 92%-ը։
Հարցումը անց է կացվել հուլիսի 17-19-ը։ Հարցմանը 1011 մարդ է մասնակցել։
